Home Local Aruba Bank y SKOA man den man Muchanan mas vulnerabel cu...

Aruba Bank y SKOA man den man Muchanan mas vulnerabel cu oportunidad pa atende scol durante aña escolar 2020-2021

SHARE

Oranjestad – 08 di september 2020 –Stichting Katholiek Onderwijs Aruba (SKOA) man den man cu Aruba Bank ta zorg pa tur mucha, no ta importa edad ni su situación, por bai skol diariamente durante ana escolar 2020-2021.

Aruba Bank ta contribui na e fondo social di SKOA na beneficio di e grupo di alumnonan cu ta mas vulnerabel den nos comunidad. A introduci diferente procesonan y proceduras pa purba yuda mayornan di e grupo di alumnonan conhuntamente cu e respectivo scolnan cu e muchanan aki ta bishita.

Un total di 46 scol cu ta cai bou SKOA a wordo instrui por habri un cuenta bancario na Aruba Bank caminda e “aircogeld” por wordo paga. Aki ta caminda cu a introduci tambe diferente plan caminda un mayor por paga e schoolgeld y aircogeld den terminonan di pago.

A pesar di a pone tur procesonan y proceduranan na lugar, ainda tin un grupo di mas o menos 70 mucha cu na e momento aki ta esnan mas vulnerabel. E mayornan no tabata tin e fondo y no tine awor tampoco pa por yuda contribui cu schoolgeld y aircogeld di nan yuinan. Debi na esaki SKOA y Aruba Bank ta traha hunto pa sigura cu cada mucha tin e oportunidad pa bai scol.

Den cuadro di nos responsalibidad corporativo social, nos ta sumamente contento di por contribui na educacion di e grupo di hobennan. Sra. Anuesca Baly, Directora di Stichting Katholiek Onderwijs Aruba (SKOA) a acepta e donacion for di Sra. Tamara Waldron, Marketing & PR Manager y Sra. Sonaly Fernandez-Acosta y Sra. Lisa Vis-Tromp, Senior Account Managers-Platinum Banking di Aruba Bank, Dialuna mainta na e sucursal na Camacuri.