Home Police Otro homber tira diasabra anochi, e la haya impacto di bala den...

Otro homber tira diasabra anochi, e la haya impacto di bala den barica

SHARE

Brazil – Diasabra anochi polis a wordo informa di un otro caso di tiramento. Esaki a sosode altura di Brazil 125. Nan lo a purba tow su auto bay cu ne tambe.

Eynan un homber a wordo tira den barica y a keda benta banda di un auto. Polisnan a logra saca afo algun cos, esta cu “nan” lo a cere cu auto y despues a tire. Cua caliber no ta conoci.

Mesora a pidi ambulance pa hibe Hospital cu urgencia. E caso aki muy probablemente tin di haber cu e persona cu a wordo tira ayeranochi na Weg Fontein.

Mesora Cuerpo Polis a emiti un boletin:

“Diasbra 20.55 melding a drenta via Central di Polis cu un persona a wordo tira na un cas na Brazil. Na e jegada di patruya a constata cu e persona tin perforacion di bala den barica y ela declara cu un conosido di dje cu ta maneha un Suzuki blauw lo mester a tire. Cu urgencia e persona aki a wordo hiba hospital.
Departamento Tecnico di Cuerpo Policial, Recherche San Nicolas y Slachtofferhulp ta na e sitio.
Na es momentonan aki patruyanan ta en busca di e Suzuki blauwe y e sospechoso”.