Home Local Mester start investigacion pa esnan culpabel di e candela enorme ariba Dump...

Mester start investigacion pa esnan culpabel di e candela enorme ariba Dump di Parkietenbos

SHARE

Oranjestad – Diabierna den oranan di mainta den un frega di wowo e parti zuid di Aruba tawata cubri pa huma diki preto.

Esaki tawata bin di un candela di taira ariba Dump na Parkietenbos.

E huma aki por bisa tawata visibel di tur parti na Aruba.

Mester añadi tambe cu basta tempo a pasa sin mira un candela di e magnitud aki.

Loke mester cuminsa awor ta un investigacion, pa mira con e candela aki a cuminsa y ken a cende esaki.

Un candela di e magnitud eynan su so e no por a cende.

Esun/nan cu ta pensa cu haciendo esaki ta causa daño na un Minister of un Gobierno ta robes.

Loke Aruba a mira ayera mainta ta causa daño enorme na nos medio ambiente y sin papia mes di nos unico pilar economico cu ta turismo.

Na esnan cu a cende e tirenan imagina si e biento a bira e momento eynan, un daño grandi pa e salud di habitantenan eybanda.

Esnan cu ta encarga cu Dump mester
pone camaranan di siguridad y asina pa evita tipo di actonan aki cu no ta afecta ningun politico of Gobierno, sino nos medio ambiente y un mahos bista pa nos turistanan.