Despues di a constata awe mainta e enorme candela di tire y otro desperdicionan riba Dump di Parkietenbos, Stichting Parkietenbos a manda un carta urgiendo Gobierno y su departamentonan concerni pa paga e candela mas rapido cu ta posibel y pa para di biaha mas bentamento di tire y otro desperdicio riba e dump. Tambe a urgi gobierno pa para tur kimamento di sushi cu ta tumando lugar eynan.
E fundacion ya a entrega un manifiesto na luna di februari cu mas di 2000 firma di habitantenan indicando un lista di puntonan cu nan ta desea pa wordo cumpli cu nan mas pronto posibel na bienestar di salud di e bario y Aruba engeneral.
No por sigui tolera cu pais Aruba no ta asumi su responsabilidad pa remedia cu mas urgencia e situacion pa elimina e molesternan pa e habitantenan y pueblo di Aruba.
E efectonan di deterioro di salud di e habitantenan, bienestar general di nos salud y di nos medio ambiente a surpasa tur limite.
