Home Police Polis a detene chauffeur indocumenta y tambe a haya droga den auto

Polis a detene chauffeur indocumenta y tambe a haya droga den auto

SHARE

Sero Patrishi – Diahuebs anochi pa mas o menos 8:30 patruya di Playa a para un Nissan March color preto un poco mas pariba di Paperclip Rotonde, esaki tawata bayendo direccion Paradera.

Segun nos a compronde, autoridad lo a haya un informacion cu e auto aki lo tawata haciendo sospechoso. 

Esaki lo a sali di algun habitante.

Altura di Sero Patrishi patruya a topa cu e vehiculo aki, y a dune señal pa stop loke e la cumpli cu ne tambe.

E chauffeur na stuur no tawata local y a resulta cu e ta indocumenta.

Ariba dje, polis a haya droga den auto.

Cuanto y ki tipo di droga no ta conoci.

Agentenan na e sitio a pidi transportwagen pa hiba e homber warda, unda cu lo pase over pa Guarda Nos Costa.