Home » FUTURA BRINDANDO INNOVACION DURANTE COVID-19

FUTURA BRINDANDO INNOVACION DURANTE COVID-19

by Admin
0 comment 50 views

Oranjestad, Aruba – Durante e periodo dificil cu e mundo henter ta entfrentando, ta hopi importante pa nos comparti e storianan positivo di innovadornan y empresarionan cu ta trahando hopi duro pa mantene e publico en general saludabel y conecta cu otro.
E Lab di Innovacion Nacional, conoci como FUTURA, ta trahando riba diferente producto y servicio cu tin como meta pa limita e contagio di Covid-19, mehora e experiencia turistico y yuda e comunidad pa tin e ‘tools’ cu por haci un diferencia positivo den temponan cu reunionnan den persona no ta posibel.
Akinan, nos kier ilustra poco di e iniciativanan cu FUTURA ta cumpliendo cu n’e durante e ultimo lunanan.
· Conectividad y apoyo pa nos grandinan: FUTURA tin varios ‘tablets’ cu anteriormente a wordo uza pa proyectonan educativo. Esakinan a wordo temporalmente re-utiliza pa casnan di cuido di nos grandinan pa yuda e habitantenan mantene contacto cu nan famia, amigo y sernan keri.
· ‘Cybersecurity Awareness Guidelines’ a wordo desaroya y trabounan di conscientisacion a wordo haci den coordinacion di VDA, CBA, NCTVI y e ‘Cybersecurity Task Force’, cu e meta pa mustra importancia di cybersecurity den e comunidad. Specialmente na e momentonan aki cu hopi hende y servicionan a haya nan ta bay ‘online’.
· Assistencia na DVG: FUTURA a aporta cu 10 ‘tablets’ pa DVG pa haci e proceso di control di cuarentena uno mas eficiente.
· DVG App di Cuarentena Hunto cu diferente partners, FUTURA a fungi como consehero y ‘liaison’ pa e desaroyo di un ‘App’ di cuarentena crea pa DVG cu ta wordo actualmente uza pa monitor personanan den cuarentena.
Tambe FUTURA a adapta varios proyecto existente pa contribui na e necesidadnan den e pandemia di COVID-19. Mas cu tur cos, FUTURA ta involucrando e comunidad den su proceso di ideanan.
· 100 Innovations: Un programa di innovacion cu a wordo re-diseña pa enfrenta e retonan di COVID-19 cu ideanan y solucionnan practico. Unda ta necesario, FUTURA y diferente partners lo yuda e participantenan perfeciona nan ideanan mas posibel, y conecta nan cu colaboradornan pa haci nan Proyecto un realidad, of pa sigui desaroya nan idea.
· District297: Un plataforma cu a wordo diseña pa involucra e ‘diaspora’ di Aruba unda cu awor e meta principal ta pa yuda Aruba diversifica su economia. Varios ‘webinars’ a wordo haci cu por a conta cu participacion di Arubianonan rond di mundo.
· MO-B Lab: Huntu cu Metabolic Foundation, diferente partners, y voluntarionan, MO-B Lab a re-orienta su recursonan pa fabrica ekiponan di proteccion pa nos dunadonan di cuido y comunidad henter.
· Innovacion den educacion: Den e ultimo lunanan varios proyecto a wordo desaroya den e area di educacion. Varios iniciativanan actualmente ta wordo lansa cu e meta pa mehora y stimula educacion na cas, mehora conectividad y pa conecta cu recursonan online. Esaki ta wordo haci den colaboracion cu sector priva y stakeholdersnan den educacion.
FUTURA lo continua cu e ehecucion di e iniciativanan aki huntu cu partners, pa yuda guia Aruba por medio di innovacion durante e tempo dificil aki. Den e periodo aki nos mester adapta y desaroya ideanan nobo pa supera e crisis aki. Solamente hunto nos lo logra. Si bo ta interesa di forma parti, of bira partner den un di e proyectonan aki of proyectonan nobo, bo por tuma contacto cu FUTURA na: [email protected].

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio