Home » Exposicion Awa y Biento na Cas di Cultura

Exposicion Awa y Biento na Cas di Cultura

by Admin
0 comment 64 views

Diabierna awor 4 di september Cas di Cultura ta habri e exposicion di arte visual, Awa y Biento.
Pa e ocasion special aki e artistanan Adriano Nanof y Samuel Sarmiento lo mustra nan obra di arte.
E anochi lo cuminsa for di 7’or di te cu 10:00 di anochi. E exposicion aki ta forma parti di un programa piloto experimental di exposicionan di Arte Visual na Cas di Cultura. Asina Cas di Cultura ta contribui na e desaroyo di e infrastructura di Arte na Aruba.

Anochi 7or publico en general ta invita pa bin aprecia y forma parti di un evento unico. E artistanan Adriano Nanof y Samuel Sarmiento lo ta presenta pa asina un y tur por mira y experencia nan obra, pero tambe lo por combersa cu nan. E exposicion aki ta uno unico ya cu ta trata di dos artista di dos disciplina di arte diferente cu pa medio di e expo aki lo tin un dialogo
artistico.

Danki sigur tambe na Prins Bernard Cultuurfonds Caribisch Gebied cu ta subisida parti di e programa aki durante e pandemia di Covid.
Entrada pa e anochi aki ta completamente gratis y ta cumpli cu tur protocol di DVG. Ta pidi un y tur cu lo atende e evento aki pa bini cu tapaboca.

Pueblo di Aruba ta keda cordialmente invita pa bin disfruta di e exposicion Awa y Biento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio