77
ORANJESTAD – Dia 3 di september 2020, Huurcommissie a tuma e decision cu en conexion cu e di dos brote di COVID-19 na Aruba, teniendo na cuenta e edad halto di su miembronan y e riesgo grandi cu esaki ta trece cune, lo descontinua temporalmente cu e bishitanan pa haci calculacion di prijs ‘huurprijsvaststelling’ (HPV). Esaki lo tin como consecuencia cu e peticionnan di HPV lo keda pendiente te cu proximo aviso di Huurcommissie.
Nos di DHC ta pidi nos disculpa na tur esnan afecta pa e desicion aki y pa cualkier inconveniencia cu esaki por causa. Pa pregunta, asistencia of conseho por tuma contacto cu nos libremente na tel: 582-9914, via e-mail: [email protected], of bishita nos website www.dhc.aw pa mas informacion.