66
Willemstad, Korsou: Djamars 1 di sèptèmber 2020, alrededor di 17.54’or Sentral di Polis a risibí informashon di un kas ku tabata na kandela den Kaya Begonia. Mesora a dirigí un unidat polisial i tambe brantwer na e sitio.
Na yegada di polis, nan a topa un kas di tabla i parsialmente di bloki ku tabata na kandela.
Despues ku bomberonan a logra paga e kandela ku a destruí e kas parti di tabla kompletamente, a topa ku kurpa sin bida di e hòmber Eelbert Benito Rafaela, nasé na Kòrsou dia 3 di aprel 1955.
E hòmber aki a kima kompletamente. Kousa di e kandela te na e momentunan aki ta deskonosí.