Home » Fiscal a exigi 6 aña di prison riba trio cu a haci asalto arma riba supermercado Chines y cas di e doño

Fiscal a exigi 6 aña di prison riba trio cu a haci asalto arma riba supermercado Chines y cas di e doño

by Admin
0 comment 57 views
ORANJESTAD – Fiscal di Ministerio Publico a baha pisa riba un trio, consistiendo di un Chines y dos latino. E trio aki ta wordo acusa di a haci asalto arma riba un supermercado Chines na Dakota y tambe asalto ariba riba cas di e doño di e supermercado.

Informacion cu Aruba Native ta dispone di dje ta mustra cu e Chines P.W.S. lo a planea e asaltonan arma y a busca ayudo di e homber R.D.F. y e muher I.S.R.

Ta asina cu P.W.S. tabata studia movecion di doño di un supermercado Chines. A bin sali na cla cu e doño lo ta percura pa manda placanan di hopi Chines aki na Aruba pa China. P.W.S. a acerca e pareha R.D.G. y I.S.R. pa haci asalto arma. E intension tabata pa haya e cantidad di placanan cu lo ta manda.

Nan a haci asalto arma na cas di e doño di e supermercado caminda a bay cu 2 mil dollar y joyas. Tambe a haci asalto arma na e supermercado na Dakota caminda a bay cu 200 dollar, algun florin, joyas. Ta asina cu apesar cu a bay cu e recorder, tabatin un otro camera los ta graba cu nan no tabata sa. Riba e camera ey, Recherche a mira tur cos.

Fiscal a baha pisa riba e trio aki. Apesar cu abogado a purba scapa e muher I.S.R. mustrando cu su rol den henter e asalto tabata minimo, ni Fiscal ni Hues a kere esaki. Fiscal a exigi 6 aña di prison pa e trio. E muher I.S.R. a cuminsa yora den sala di Corte, ora el a tende e castigo exigi pa Fiscal. Fiscal a manda un señal bon cla cu na Aruba no ta tolera asalto arma.

Hues a bisa cu e ta bay studia e caso y dentro di 3 siman tin sentencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio