Home » Proyecto di restauracion di Ex Botica Aruba a inicia

Proyecto di restauracion di Ex Botica Aruba a inicia

by Admin
0 comment 60 views




Stichting Monumentenfonds Aruba (SMFA) ta orguyoso di por anuncia e inicio di e proyecto di restauracion di edificio na Steenweg 19 conoci como Ex Botica Aruba.


Na juli ultimo a tuma lugar e destaho publico p’e restauracion di e edificio. Van Kessel Havenbouw NV lo ta e contratista encarga cu ehecucion di e proyecto. E diseño di e edificio tabata den man di Archiosa y e proyecto lo ta bou di supervicion di Archiosa y JOOST ABC. E proyecto lo tin un duracion di aproximadamente ocho luna y nos ta spera di por keda cla na principio di 2021.

E contratista a cuminsa cu e promer parti di e trabounan caminda lo basha abou e parti di e edificio cu no ta monumental. Pa esaki a cera e caminda den e area di e edificio. Hunto cu KPA e contratista a haci e deviacionnan necesario.

E restauracion den e caso particular aki lo ta solamente di e parti exterior. E motibo pa esaki ta cu ainda no tin un huurdo pa e edificio. Una bes logra yega na un acuerdo di huur a largo plaso SMFA lo sigui cu e siguiente fase di e proyecto cual lo ta e renobacion di e parti paden di e edificio segun e necesidadnan di e huurdo. Cualkier instancia of persona cu ta desea mas informacion tocante e huur di e edificio lo por tuma contacto cu Stichting Monumentenfonds na [email protected].

E edificio na Steenweg 19 ta un monumento proteha cu a wordo construi na aña 1925 pa Addison Winfield Croes. Na aña 1935 hunto cu Gustave Nouel a cuminsa cu Botica Aruba den e edificio y esaki a keda fungi como botica te na aña 1985. Despues Palais Hindu a cumpra e edificio y na aña 1993 ‘El Mercado’ a habri su portanan.
Despues di algun aña cu e edificio a keda bashi y tabata core e peliger di por wordo bendi y basha abou, SMFA a tuma e decision na 2015 pa cumpra e edificio cu e meta pa preserva esaki pa futuro generacionnan.









You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio