Home » Premier Evelyn Wever-Croes:  Negosacion cu Hulanda ta bayendo bon GOBIERNO KIER CONCLUI PA 11 DI SEPTEMBER 2020

Premier Evelyn Wever-Croes:  Negosacion cu Hulanda ta bayendo bon GOBIERNO KIER CONCLUI PA 11 DI SEPTEMBER 2020

by Admin
0 comment 45 views

 

 

 

Manera ta conoci, Gobierno di Aruba ta den negosacion cu Hulanda riba e fiansa pa e di 3 tranche. E di 3 tranche mester a cubri e lunanan juli, augustus y september. Mientras nos tabata negocia cu Hulanda, nos a sigui busca fuentenan alternativo pa yega na fondo y entrada di pais Aruba. Danki cu nos a corta mas gasto, nos a schuif cu cierto pagonan y e turismo cu a cuminsa activa den juli, nos a logra haya rosea financiero te medio september. “No ta facil, pero nos ta logrando te ainda”, asina Prome Minister Evelyn Wever-Croes a duna di conoce durante di conferencia di prensa di Gobierno dialuna mainta.

 

Prome Minister: “No tin motibo pa panico, y mi por sigurabo cu nos lo no permiti nos pais kibra. Mi kier pidi pa tur hende keda trankil, locual tin riba mesa awor ta conoci pa tur hende”. 

 

Gobierno di Aruba a tene 3 cumbre cu gremionan, 2 cu politiconan y e di 3 hunto cu gremionan y politiconan. Dos siman pasa a tene un cumbre cu e Young Professionals, cu tabata hopi bon atendi y cu hopi feedback positivo. Gobierno a bay Parlamento 3 biaha caba pa duna informacion y a manda tur documento pa Parlamento tambe. 

 

“Manera mi a informa siman pasa, mi a pidi Parlamento pa si nan bisa cu nan NO ta acepta locual tin riba mesa ainda, nan bin cu alternativa. Lamentablemente solamente Fraccion di MEP a bin cu alternativa y riba esey nos ta trahando ainda y mira cuanto di esey nos por convence Hulanda ainda”, segun Prome Minister.

 

Prome Minister a indica cu negosacionnan ta bayendo bon y ta sperando e ultimo adaptacionnan pa asina por comparti nan tambe. 

 

“Nos lo kier tin un finalisacion pa e Conseho di Minister di Reino di dia 11 di september, door cu pa e tempo ey tambe e rosea financiero cu nos tin awor, lo ta cabando. A menos cu nos haya otro entrada, cu lo por yuda nos cu mas rosea financiero pa nos por negocia bon”, Prome Minister a duna duna di conoce.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio