Home » Segun Mervin Wyat-Ras, Premier Evelyn Wever-Croes ta zundra mucho, PREMIER: COMO MAMA NOS TIN E TENDENCIA DI PAPIA DURO, PASOBRA NOS TA STIMA NOS YIUNAN

Segun Mervin Wyat-Ras, Premier Evelyn Wever-Croes ta zundra mucho, PREMIER: COMO MAMA NOS TIN E TENDENCIA DI PAPIA DURO, PASOBRA NOS TA STIMA NOS YIUNAN

by Admin
0 comment 80 views




Diahuebs dia 27 augustus 2020 Premier Evelyn Wever-Croes, Minister Dangui Oduber y Crisisteam tabata den Parlamento pa duna informacion tocante e crisis. Tin hopi interes den comunidad y tambe den e Parlamentarionan y p’esey Gobierno mes a pidi e reunion pa sigui tene tur hende na altura. 

 

“Informacion ta importante den esaki y Parlamentarionan hopi biaha ta haya pregunta. P’esey ta importante pa nan tin informacion pa por contesta tur hende corectamente”, Premier Evelyn Wever-Croes a bisa tocante e reunion.

Parlamentario Mervin Wyat-Ras (AVP) cierto momento a reclama cu Premier Evelyn Wever-Croes ta zundra mucho. E no ta gusta esey y segun e algun hende a bise cu nan no ta gusta esey.
Premier a contesta Parlamentario Mervin Wyat-Ras pa prome cu loke e ta papia den conferencia di prensa, no ta zundra. E ta papia, papia y sigui papia y cierto momento e ta cambia su tono pa asina tur hende realisa e seriedad. Pasobra e crisis aki ta algo sumamente serio y ta hopi importante pa tur hende compronde con serio e ta, cuanto daño, dolor y sufrimento e por causa na esnan cu tin Covid y nan famia. Tambe ta hopi importante pa tur hende realisa cu e forma pa combati e virus ta sensiyo: e unico arma ta nos mes.


Premier a splica Parlamentario Wyat-Ras cu como mama, mescos cu tur otro mama, bo ta papia cu bo yiunan y bo ta sigui papia y cierto momento bo ta cambia bo tono pa e bira mas serio. Y bo ta haci esey pasobra bo ta stima bo yiunan.


“Mescos cu mi ta stima mi yiunan, mi ta stima yiunan di nos pais y mi no kier pa nada malo pasa nan. Tin biaha mi ta laga mi instincto di mama tuma over y ta duel mi cu Parlamentario Mervin Wyat Ras no ta gusta esey, pero lo mi sigui haci’e si mi ta kere cu ta den interes di nos pais”, Premier Evelyn Wever-Croes a contesta.

“Por lo demas e tabata un bon reunion, 97 pregunta riba tereno di salubridad, turismo, crisis management, economia, husticia, enseñansa y tur a wordo contesta extensamente. Mi ta aprecia e interes cu Parlamento tin pa e topico aki y e sosten cu Parlamento ta duna Gobierno den esaki”, Premier Evelyn Wever-Croes a finalisa bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio