Home Advertorial ANUNCIO IMPORTANTE PA CU MORATORIO RIBA PAGONAN.

ANUNCIO IMPORTANTE PA CU MORATORIO RIBA PAGONAN.

SHARE

Desde cu e pandemia di Covid-19 a yega Aruba, esaki a afecta financieramente hopi duro nos comunidad en general y alaves mayoria di nos clientenan. Cu e ceramento di nos fronteranan y sin turismo, nos economía a stagna, hotelnan y negoshinan a cera y hopi hende incluyendo nos clientenan mester a cuminsa biba cu menos of sin entrada.

Na e momento ey banco a opta pa introduci un alivio financiero automatico pa tres (3) luna, e asina yama moratorio riba pagonan esta pa maart, april y mei di e aña aki. Den mei y mirando cu economía no a cuminsa mustra señalnan positivo, a opta pa duna un otro tres (3) luna mas di moratorio esta juni, juli y augustus. E moratorionan riba pagonan tabata pa prestamonan di Retail esta personal, hipoteca y tarhetanan di credito. E moratorio di pagonan pa seis (6) luna en total tambe a conta pa prestamonan comercial.

Mirando e desaroyonan cu ta tumando lugar na Aruba y e normal nobo, banco a dicidi di tuma un ruta un poco diferente pa cu e alivio financiero cu nos lo duna nos clientenan.

“OPT-IN ENROLLMENT” TA EXCLUSIVAMENTE PA PRESTAMONAN DI RETAIL.

Pa e siguiente tres (3) lunanan, esta september, oktober y november, banco lo ofrece un moratorio riba pagonan exclusivamente pa clientenan di Retail, esta pa prestamo personal, hipoteca y tarhetanan di credito. Sinembargo, esaki lo sosode a base di un “Opt-In” cu ta rekeri e cliente pa yena y manda nos un formulario online via nos website (www.cmbnv.com) pa asina por yega na remarke pa e moratorio.

E clientenan tin te cu 5’or di atardi riba diabierna september 18, 2020‬ pa entrega e formulario online. Despues di e fecha y ora ey no por entrega mas.

Na momento cu e cliente haci uso di e opcion aki y banco cuminsa procesa e moratorio riba e pago(nan), e lo wordo informa y confirma di biaha cu tin un “one-time” gasto administrativo di Afl. 300.00 pa cada un prestamo, hipoteca of tarheta di credito. E gasto aki lo wordo carga na su cuenta coriente.

Mescos cu tabata e caso den e prome dos periodonan di moratorio, clientenan cu ta atrasa den pago pa 90 dia of mas no lo bin na remarke pa e moratorio.

Clientenan di Retail cu no “Opt-In” mester reanuda y cuminsa haci nan pagonan cuminsando fin di september.

Clientenan cu tin pregunta of cu mester di asistencia pa yena e formulario, por tuma contacto cu banco via eAmigo usando e Live Chat riba nos website of tambe cualkier di nos paginanan riba Medionan Social.

NO LO TIN MORATORIO RIBA PAGONAN PA PRESTAMONAN COMERCIAL.

Pa loke ta nos clientenan comercial, e moratorio no lo wordo extendi. Den e caso di clientenan comercial, nan lo mester reanuda y cumpli cu nan pagonan na fin di september.

Clientenan cu tin prestamo-, hipoteca- of tarhetanan di credito pa nan negoshi y cu lo mester di asistencia financiero, nan lo mester tuma contacto cu nan Account Manager. Nan peticion riba un base individual lo wordu considera pa wak si por yega na un areglo factible.

Nos tin nos clientenan na pecho y e asistencia cu banco a brinda pa yuda nan pasa e den e temponan dificil aki ta uno sin igual. Nos clientenan ta importante pa nos y nos ta aprecia e negoshi cu nos ta haya di nan.

Cuida curpa den e temponan dificil aki y corda cu nos tur ta den e mes un boto aki y solamente hunto nos lo sali di e retonan cu nos tin nos dilanti.

CLIENTENAN PERSONAL (RETAIL) POR CLICK AKI PA YENA E FORMULARIO:
https://www.cmbnv.com/apply-now/moratorium-opt-in