Oranjestad – Despues di un confusion y kiko si of kiko no relaciona cu e re introduccion di Toque de Queda, diasabra mey anochi e tawata oficial bek.
Diabierna anochi cu mester a bira e segundo anochi di TDQ cu Gobierno a re introduci no a bay door. Unda e problema a surgi no ta mucho cla.
Diasabra merdia Ministerio Publico a bisa lo siguiente:
“Ministerio Publico no ta considera cu tin suficiente base legal pa multa e ciudadano den e avondklok actual”.
Algun rato despues a drenta un comunicado di mesun un Ministerio Publico cu e TDQ re introduci door di Gobierno di Aruba ta sigui normal y cu lo tin multa di 1000florin pa esnan cu viola esaki.
Cuerpo Policial a confirma esaki na su agentenan algo pasa di mey anochi diadomingo, y nan tawata tin luz berde pa haci nan trabou debidamente, esta detene ciudadanonan cu viola e ley di TDQ.
Un total di 9 persona a wordo deteni.
