Oranjestad – Diabierna anochi laat sigui pa diasabra por a scucha di incertidumbrenan relaciona cu si tin of no tin Toque de Queda/Avondklok/Curfew.
Te cu diasabra atardi 3’or ningun informacion for di ningun skina oficial ta bisando e pueblo kiko ta pasando of lo bay pasa.
Pueblo kier sa y tin e deber di sa.
Dos dia pasa Gobierno re introduci TDQ, for di 12’or mey anochi pa 5’or a.m
Prome dia un total di 8 hende a wordo aresta, violando e TDQ.
Ariba segundo dia, cos a bolter.
Ministerio Publico no ta considera cu tin suficiente base legal pa multa e cuidadano den e avondklok actual y no kier a duna mas splicacion relaciona cu esaki.
Di otro banda gobierno ta luchando pa flatten the curve door di introduci mas medida pa asina baha e contagio cu actualmente e total di casonan activo ta 1200 y cu un saldo di 10 morto, sigur e ta un preocupacion grandi pa gobierno mirando cu no ta descarta e posibilidad cu mas persona den e siguiente dianan y/of simannan nos dilanti mas hende lo por bay fayece.
Diasabra atardi segun nos a compronde lo bay tin un Update oficial di e situacion aki.