Home » RESUMEN Di E RESULTADONAN PRELIMINARIO DI REOI-1 Y REOI-2 Ta spera di por conclui e prome fase den prome mitad di september

RESUMEN Di E RESULTADONAN PRELIMINARIO DI REOI-1 Y REOI-2 Ta spera di por conclui e prome fase den prome mitad di september

by Admin
0 comment 61 views

Despues di e anucio publica, efectua pa oficina di notario NewLeaf, di tur ofertanan ricibi di tanto REOI-1 y REOI-2 riba 31 juli 2020, tur informacion digital a wordo transferi pa Refineria di Aruba NV (RdA). E informacion seguidamente a wordo comparti cu e Advisory Committee. E comite aki cu a keda encarga pa haci e evaluacionan necesario, a wordo institui pa RdA a base di un Decreto Ministerial y tabata bao guia di RdA. E prome tarea di e comite tabata pa establece criterionan pa guia un proceso unifica y fijo cu ta garantiza un continuidad di e espectativanan di e posicion di gobierno y criterianan den cual cada oferta ricibi lo mester ser evalua. Una vez cu esaki a ser estableci y acorda pa tur e miembronan di e comte, e expertonan den e comite a haci un seleccion preliminario de e ofertanan di REOI-1, usando y cumpliendo cu e criterianan ya establece pa e comite. E resumen di e resultadonan preliminario di REOI-1 por wordo presenta di e siguiente manera.

E criterionan considera den e selecion preliminario tabata igual cu e criterianan refleha den e REOI-1:

• E actividad den futuro, a corto plazo y largo plazo, lo mester tin como obhetivo haci un contribucion significativo na e economia di Aruba den termino di crecemento di e GDP, desaroyo di e mercado laboral y mehora e balansa di pago;
• E actividad den futuro lo mester observa leynan y regulacionan ambiental existente, anticipa y tene cuenta cu leynan nobo y observa normanan existente di industria pa locual ta salud, medio ambiente y seguridad;
• E actividad den futuro lo mester observa na tur momento e politica di exterior di Reino Hulandes y tene na consideracion tambe e sancionan economico comercial manera implementa pa OFAC di Merca; y
• Garantiza e seguridad di fuel pa e mercado local, cu ta ser considera di gran importancia pa funcionamento di e ecomonia di Aruba.

Tabata tin un total di 26 compania, grupo of consorcio interesa den REOI-1 cu a ser evalua. Di acuerdo cu opinion di e comite y pa futuro referencia y priorisacion e resultado di e seleccion preliminario a wordo dividi den tres categoria.

Categoria 1: Oferta cu ta refleha e espectativanan di e posicion di gobierno manera solicita den REOI-1 (6 compania);
Categoria 2: Oferta cu ta refleha parti di e espectativanan di e posicion di gobierno manera solicita den REOI-1 y cu lo por rekeri clarificacion (4 compania); y
Categoria 3: Oferta cu no a cumpli cu espectativanan manera solicita den REOI-1 (16 compania).

Di igual forma y tambe segun e mesun criterianan manera solicita den e ofertanan di REOI-2, e comite a haci igualmente un seleccion preliminario.

Tabata tin un total di 22 compania, grupo of consorcio interesa den REOI-2 cu a ser evalua. Di acuerdo cu opinion di e comite y pa futuro referencia y priorisacion e resultado di e seleccion preliminario a wordo dividi den tres categoria.

Categoria 1: Oferta cu ta refleha e espectativanan di e posicion di gobierno manera solicita den REOI-2 (3 compania);
Categoria 2: Oferta cu ta refleha parti di e espectativanan di e posicion di gobierno manera solicita den REOI-2 y cu lo por rekeri clarificacion (4 compania); y
Categoria 3: Oferta cu no a cumpli cu espectativanan manera solicita den REOI-2 (15 compania).

Ta importante pa nota cu e companianan seleciona ainda mester pasa den un proceso interno, basa riba criterionan indica pa e comite, pa asina por asigna un score final na cada compania. Esaki ta pendiente resultadonan di cheque pa cada compania cu ta wordo haci na e momentonan aki pa e comite riba nivel legal y nan resultado economico.

RdA ta confia cu nos conhunto esfuerzo lo brinda oportunidad di desaroyo paun futuro sostenibel pa Aruba henter. Ta premira cu lo avansa oportunidad, stabilidad y prosperidad pa nos actual y futuro generacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio