Home » Fraccion di POR a pidi Presidente di Parlamento un bijeenkomst publico cu e grupo Ta Basta

Fraccion di POR a pidi Presidente di Parlamento un bijeenkomst publico cu e grupo Ta Basta

by Admin
0 comment 88 views

Durante encuentro cu prensa, parlamentarionan di POR, Dellanire Maduro y Alan Howell a informa cu nan a entrega un peticion na Presidente di Parlamento pa por manda un invitacion na e grupo Ta Basta pa ta presente den un bijeenkomst publico cu e grupo.
Lider di Fraccion di POR, Dellanire Maduro a comenta cu como parlamentario e ta sigur cu hopi lo ta esnan cu lo desea di intercambia informacion y ideanan cu e grupo Ta Basta y pa tal motibo a entrega un peticion pa un bijeenkomst publico unda conhuntamente cu demas parlamentario por sinta cu e grupo aki.
Parlamentario Alan Howell a bisa cu nan no lo bay lubida e tema di abuso sexual di mucha y Fraccion di POR lo keda sostene tur grupo y instancia cu ta hinbando e lucha aki, pasobra nan tambe ta para tras di stop abuso di mucha y como parlamentario ta nan deber di proteha e muchanan.
“Como parlamentario ta nos deber pa sostenenan. Nos a vota pa aumenta e castigo maximo recientemente. Ademas, hunto cu Marisol Lopez-Tromp ora e tabata den Parlamento, nos a presenta un concepto di ley pa introduci un castigo minimo, cual a bay pa Raad van Advies. Awo e ley a bin bek y ta den man di huristanan cu ta haciendo e cambionan cu a conseha”, Howell a expresa. E ta agrega cu e ley aki no ta facil pa introduci pasobra huesnan no lo ta mucho contento pa bin cu un minimo pa un castigo cu nan mester duna.
Como polis, Alan Howell si ta kere den castigo minimo, pasobra e ora ey e hues no lo por baha bou di e minimo stipula pa ley. E ta spera cu awo cu recess a caba, dentro di poco e ley por bolbe Parlamento pa e wordo trata y asina tende for di demas parlamentario kende ta para tras di nos muchanan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio