Home Local ARUBA TOURISM AUTHORITY CU ACCION DI PRECAUCION RELATA CU COVID-19: A...

ARUBA TOURISM AUTHORITY CU ACCION DI PRECAUCION RELATA CU COVID-19: A PONE INFORMACION ADICIONAL RIBA VARIOS BORCHINAN PUBLICO

SHARE

 

 

Oranjestad – En conexion cu e pandemia global di Covid-19, mundo henter ta tumando mas precaucion pa cu entre otro higiena en general. Relata cu esaki, DOW y Oficina di Turismo A.T.A. a tuma e initiativa pa comunica esaki entre otro pa medio di borchinan publico. Meta di e borchinan aki ta pa sigura cu protocolnan di higiena y salud ta consciente serca un y tur na tur momento, incluso ora bishita atraccionnan rond di nos isla.

 

E borchinan ta existente y a wordo poni na Aruba su beachnan y luganan publico na aña 2017 y ta informa di actonan cu ta prohibi (pa ley), manera:

– Uzo di vehiculo di motor riba nos playa y duinen

– Destruccion di neishi di turtuga.

– Susha nos medio ambiente

– Uzo di BBQ di carbon riba nos playa y duinen

– Toca coralnan den bida marino

 

E borchinan adicional ta na Ingles y Spaño y ta un recordatorio cu ta duna informacion entre otro di e distancia recomendabel di 1.5 entre cada persona, e importancia di bisti tapa boca y laba man frequente cu jabon of handsanityzer.

 

Tur esaki ta pa mantene e cantidad di contaminacion di covid-19 lo mas abou posibel y miho ainda – pa elimina esaki.

 

Den e ultimo dos siman cu a pasa – por a mira e borchinan cu e precaucionnan necesario a wordo añadi tur caminda, ariba e borchinan existente ya presente rond di Aruba.

 

Mescos cu otro destinacionnan, nos isla ta pasando den momentonan di reto pa loke ta trata e pandemia aki. Ta importante pa nos tur sigui e protocolnan manera stipula door di diferente instancianan. Hunto nos lo vence y nos isla y su turismo lo sigui florece. Pa mas informacion por bishita aruba.com.