Home Police Homber bou influencia y razo a ataca dama cu a dune lift

Homber bou influencia y razo a ataca dama cu a dune lift

SHARE

L.G.Smith Boulevard – Diadomingo atardi den careda di 6:30 polis a wordo informa cu un homber lo ta maltratando un dama altura unda antes tawata Rat Land.

Mesora algun patruya a bay e area cu ta dilanti e ex edificio di Rat Land. Manera e homber a mira polis e la sali na careda direccion pabou o sea direccion Playa Linda.

Mesora varios agente policial a sali su tras mientras refuerso tawata biniendo.

Den entrada di Playa Linda Beach Resort a logra detene e homber cu tawata muha di awa di lama.

Con tur cos a cuminsa

Na e sitio e dama a conta cu e homber lo tawata ariba un Sailboat tour, pero nan lo tawata confrontando problema cu ne. E homber lo no tawata comporta su mes y tawata haci fastioso unda e turistanan ta.

E homber tawata bou influencia di un of mas substancia. Altura di Boca Catalina e crew a dicidi cu ta basta y lo a bahe.

Eynan e dama(enpleado) di e compania aki lo a bay Boca Catalina pa busca e homber.

No ta conoci si e dama aki tawata sa cu e homber ta bou influencia di un of otro substancia of si e conoce mes.

Caminda pa zuid direccion e oficina di e compania unda e boto lo a sali e homber lo a bira agresivo den e auto. Akinan e muhe lo a haya golpi di e homber y a para altura di ex Rat Land.

Eynan e problema lo a sigui escala den bista di tur hende pasando eybanda.

Den e furia o paranoid di homber e la ranca man di e porta di e  auto Hyundai y comete algun destruccion mas, tur esaki prome cu polis a yega.

Na yegada di transportwagen e homber histerico a wordo translada pa Warda di Shaba, unda cu loke e la usa lo tin di sali for di su sistema.