Ta na su luga cu tur hende cu ta traha den cuido ta involucra y acerca nan pa mas informacion. Un parti di e Brainstorming Session ta pa yega na comunidad cu hopi informacion.
Sharlyn Farro di ODEA ta sinti cu comunidad ta “overrompeld” cu informacionnan y ta saca esakinan for di contexto. Si tur e informacionnan durante e Brainstorming Session por yega na nan, y keda na e punto hopi importante cu e ta keda den man propio pa cuida bo mes y famia, esey ta mas importante pa Farro.
“Ora bo a cuida bo mes, cuida bo famia, eigenlijk bo a cuida enfermeria,” el a bisa. Enfermeria ta esun para eynan ta warda pa duna e cuido. Si enfermeronan cuminsa bira malo, e ora tin un crisis den salubridad di cuido na Aruba. Farro a sigui splica cu mester cuida enfermeronan, cuida esunnan mas vulnerabel. Mester practica cosnan simpel pa preveni di no haya e virus y sigui plam’e.
No ta tur ora un hende ta plama e virus consciente, el a bisa. Un hende por cana rond sin sintoma, pero ta plama e virus. Pa Farro e parti ey tabata esun mas fastioso cu el a tende durante e Brainstorming Session. Un hende sin sintoma ta cana rond y plama esaki ta un problema.