Sero Blanco – Diadomingo marduga despues di un supuesto incidente den Caya G.F.Betico Croes polis ta para un Hyundai Accent na entrada di Apfa na Sero Blanco.
Algo pasa di 12:30 diadomingo marduga polisnan buscando un of mas persona cu lo a menasa hende den caya grandi a bin topa cu e auto aki, esta un Hyundai Accent.
Den e auto tawata tin dos hoben. Loke a hala polisnan atencion tawata cu un di nan tawata tin hoodie bisti y e otro lo tawata cuadra cu descripcion cu polis a haya.
Polis mesora a detene ambos hoben, basta jong nos mester bisa.
Polis a rista den e auto y a mira cu polis a haya algo y a pone den e patrouille y a sigui tira bista kiko mas e por haya.
Mientrastanto transportwagen tawata na caminda y na yegada a hiba ambos hoben warda di Noord.
E Hyundai a wordo staciona pabou di caminda na lock.
No ta conoci si e dos hobennan aki ta relaciona cu e susedido den caya grandi.
