Home » Dr. Kock: Brainstorming Session tabata fructifero cu diferente punto treci dilanti

Dr. Kock: Brainstorming Session tabata fructifero cu diferente punto treci dilanti

by Admin
0 comment 63 views

 

 

Dr. Selene Kock, specialista di pulmon, a participa den e Brainstorming Session di Partido AVP, cu tabata un anochi hopi informativo. Lider di e partido a invita diferente specialista di hospital, entre otro teamnan di OMT, drs. Bert Rodenburg.

 

El a splica cu drs. Babet Latour a duna un presentacion tremendo y extenso riba con hospital ta prepara p’e pandemia di Covid-19. Tambe a conta cu presencia di dr. Hendrikus van Gaalen di Respaldo, kende a splica cu e poblacion di Aruba, pashentnan, famia y pashentnan cu tin enfermedad psiquiatrico ta sufri den e temporada aki. Den futuro lo mester inverti mas placa p’e parti di salud mental.

 

Presidente di asociacion di enfermeronan di Aruba tambe tabata presente y a comunica nan preocupacion p’e enfermeronan tanto di hospital como di Wit Gele Kruis. A duna tipnan positivo cu por yuda den futuro p’e enfermeronan tambe por traha sigur ora di bishita pashentnan na cas. Pa clausura e Brainstorming Session, dr. Anaya a splica mas extenso di e enfermedad Covid-19.

 

Segun Kock, nan a haya informacion for di Ruben Croes referente e Test Centrum na aeropuerto. E ta haya cu e anochi aki tabata uno hopi fructifero. Di otro banda Mike Eman, lider di partido AVP, a duna un relato na diferente stakeholder di e puntonan y preocupacion di pueblo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio