Home » Segun Parlamentario Marlon Sneek: Posiblemente tereno den zona prohibi otorga  na ‘campaign manager’ di Minister Dangui Oduber

Segun Parlamentario Marlon Sneek: Posiblemente tereno den zona prohibi otorga  na ‘campaign manager’ di Minister Dangui Oduber

by Admin
0 comment 53 views

 

 

 

 Pueblo merece y tin derecho di wordo informa dor di Minister di Infrastructura riba otorgamento di terenonan protehi, na amigonan di gobierno.

Lider di fraccion di AVP, sr Marlon Sneek a mustra den conferencia di prensa cu ta trata aki di terenonan cu semper tabata proteha, cu ningun hende no por a haya pa desaroya ni hotel, no cas pues net nada, awo ta bin resulta cu mil meter cuadra a wordo duna na un persona yega na un Minister di gabinete Wever Croes.

“Minister di Infrastructura mester tin dilanti y duna informacion y aclaracion riba e asunto di otorgamento di tereno cu a wordo considera sectornan protehi y cu a wordo otorga awor na un ‘campaign manager’ di Minister Dangui Oduber.

Nos kier sa for di Minister di Infrastructura for di ki dia a cambia e maneho pa loke a proteccion di e terenonan aki of si un hende mester ta friends and family un biaha mas pa e ora bo por haya un pida tereno na Arashi.

Tue hende sa cu e strip ey, si nos mira e casnan existente, e pida tereno cu ta tira direccion di Tierra del Sol, e strip aki ta di gobierno  y nos tin entendi cu Minister di Infrastructura y pesey nos a haci e pregunta si ta e Minister di Infrasctuctura actual of e Minister di Infrastructura  saliente, ta esun cu a firma pa mil meter cuadra di tereno protehi wordo otorga contra tur regla.

Ta bon pa menciona aki cu e Minister anterior  Oduber  kende semper tabata yena su boca cu no ta permiti nada den wetland of cualkier otro land pero su persona si a percura aparentemente, pa mil meter cuadra bay  pa un campaign manager di Minister Dangui Oduber.

Fraccion di AVP a haci pregunta y nos ta spera di haya contesta rapidamente pa asina nos por informa comunidad cu e informacion aki ta veridico  caminda a  percura pa un campaign manager haya tereno  y tin cu mustra aki cu e campaign manager aki a mara na un compania cu den futuro lo tin cu bay atende cu loke ta terenonan di port city.

Nos a spera cu e cosnan aki no tin di haber cu otro y pesey nos a dirigi pregunta na e actual Minister di Infrasctructura   pa nos ta sigur di kico ta pasando ya cu tur hende sa cu den e gobierno aki ta bagamunderia tin den dia cla y nos tin cu desenmascara cada un di esakinan  manera cu nos detecta e actonan aki,” lider di fraccion di AVP, Marlon Sneek a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio