Oranjestad – Aña pasa Minister di Cultura a presenta e buki conmemorativo ‘BaluArte’. Cual tabata e prome bes cu Aruba tin un publicacion y na nos mes idioma Papiamento den cual a documenta un cantidad di 30 persona y/of organisacion cu a contribui considerablemente na desaroyo artístico y cultural di nos pais den e ultimo 65 añanan. E obra di literatura aki ‘BaluArte’ ta duna un bista amplio di cantidad grandi di proyecto, obra, actividad, presentacion y publicacion cu a tuma luga durante di transcurso di aña.
Pa duna oportunidad pa comunidad por será mas conocí e obra aki y como tambe e historia di e pioneronan cultural y organisacionan, fundacionan, instancianan y gruponan cu a celebra un of mas lustro den añanan cu a transcuri y cu a duna un aporte grandi riba tereno artístico y cultural, próximamente Minister di Cultura semanalmente lo publica articulonan pa prensa di e diferente pioneronan cultural di nos país cu ta aparece den e publicación y asina lanta e interes den comunidad pa cumpra e buki aki y tine como un bon recuerdo of regalo. Ademas nos futuro generacion por cera conocí cu algun di nos pioneronan cultural.
E buki BaluArte ta obtenibel na oficina di UNOCA sitúa na Stadionweg 21 na un balor di 55 florin. E forma di compra ta lo siguiente pa medio di un deposito riba cuenta di banco na Aruba Bank # 510470818 na nomber di UNOCA Boekenfonds. Despues por yama oficina di UNOCA 582 0108 of 583 5681 durante orarionan di oficina entre 8’or di mainta y 4’or di atardi. Tambe por manda un email na [email protected] cu e comprobante di pago, pa traha un afspraak pa pasa tuma e buki.
