Home Police Homber cu lo kier a bay comete ladronicia deteni na Tanki Leendert

Homber cu lo kier a bay comete ladronicia deteni na Tanki Leendert

SHARE

Tanki Leendert – Diahuebs den careda di 8’or anochi polis a bay Tanki Leendert debi cu lo tin un Nissan March color oranje cu lo a yama atencion di habitantenan.

Esaki tawata altura di e Judo Center.

Na yegada di polis nan no a haya e Nissan March, debi cu e la move di e sitio. Kizas e lo sinti cu e lo a wordo mira.

Door di esaki e la move y a bay para e auto mas panort altura di un Sportsbar nobo.

E la baha for di e auto y a cuminsa cana bay zuid, esta direccion e Judo Center. 

Polisnan cu tawata den area a nota e cabayero y e homber aki tambe a mira polis, aki ta unda e la core drenta mondi. Pa un rato polisnan a perde.

Pero despues di e algun minuut un otro informacion lo a drenta cu e ta su auto mas panort y lo ta tratando di huy.

Mesora polisnan a bay unda e tawata esta banda ariba e parkeer plaats di e Sportsbar. Asina mes e homber aki cu lo tawata tin intencion di haci algo malo a trata na huy, pero no a yega mucho leu door cu e Nissan March a keda pega ariba un pidi stupi halto.

Di e manera aki polisnan a bay atende cu ne y mesora a bay over na detencion. Segun nos a compronde cu e homber lo tawata tin planea pa bay horta un caminda den e area di Tanki Leendert. 

E la wordo hiba warda di polis cu transportwagen.