Home » Hospital ta aclaria algun confusion tocante fayecimento di pashent

Hospital ta aclaria algun confusion tocante fayecimento di pashent

by Admin
0 comment 78 views

Na prome lugar, hospital ta extende palabranan di profundo condolencia na famia di e fayecido.
Mirando e confusion cu a surgi ayera nochi, Dr. Horacio E. Oduber ta desea di aclaria algun confusion tocante Covid-19.

Pa trece claridad riba loke ta e caso di e pashent interna riba e piso di Covid-19 cu a fayece ayera mainta, por bisa cu na momento di su morto e tabata positivo y esaki ta haci cu Aruba mester registr’e den su estadistica segun standard internacional di registro di data epidemiologico.

Den cierto casonan por haci excepcion cu famia por bishita un pashent cu ta Covid-19 positivo teniendo na consideracion tur medida di precaucion manera mondmasker y handschoen.

En conexion cu privacidad di informacion di pashent Hospital no por divulga mas detayes di e pashent su estado di salud.

Hospital alabes kier corda tur hende cu bisti mask ta obligatorio ora bin Hospital. Porfabor mantene un bon higiena di man haciendo uzo di nos hand sanitizers situa na diferente lugarnan strategico prome y despues di haci bo bishita. Directiva, staf y personal di Hospital ta gradici tur hende pa nan comprension y cooperacion. Hunto nos por combati’e!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio