Home » Korsou: Dokter Mericano cu a horta pilder for di hospital deteni

Korsou: Dokter Mericano cu a horta pilder for di hospital deteni

by Admin
0 comment 64 views

Willemstad, Korsou – Dialuna den oranan di atardi informacion a sali cu un specialista Mericano cu a bay Korsou pa yuda, a keda deteni pa ladronicia. E medico cu tawata trahando na Curaçao Medical Center (CMC) a comete ladronicia di varios medicamento di e centro.

Den un relato cu CMC a publica, nan a laga sa cu nan tin zero tolerancia pa ladronicia y cu ta via pruebanan riba camera di seguridad a gara e specialista hortando medicina. Manera cu a enfrenta e Mericano cu e prueba aki, e a confesa pa su acto. Asina gerencia di CMC a bay over na raporta esaki na polis y e persona a keda deteni.

No ta conoci ki medicamento e dokter a pasa man pe, o si esaki tawata pa su propio uzo o pa e duna (o bende) otro persona.  E siguiente ta un relato di prensa cu autoridadnan di Korsou a publica:

Kontinuando ku un investigashon relashoná ku ladronisia di un kantidat di ampoya ku a keda hortá for di sala di operashon di un hospital, reshèrshinan di VVC a hasi un detenshon. Djaluna 17 di ougùstùs 2020 alrededor di 17.00’or, polis a detené na Hamelbergweg e hòmber D.S.P. nasé na Estádos Unídos di 57 aña di edat, pa e kaso di ladronisia ariba menshoná. Durante investigashon na e sitio kaminda e sospechoso ta hospedá polis a haña i konfiská algun di e ampoyanan ku ya a keda usá.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio