Home » Argumento di POR pa pidi retiro ta infunda Corte su veredicto ta sostene locual Minister Lopez – Tromp a bin ta splica 

Argumento di POR pa pidi retiro ta infunda Corte su veredicto ta sostene locual Minister Lopez – Tromp a bin ta splica 

by Admin
0 comment 71 views

 

 

Dialuna 17 di augustus 2020  Minister di Desaroyo Teritorial, Infrastructura y Medio Ambiente  Marisol Lopez – Tromp a entrega un carta na Parlamento di Aruba relaciona cu e veredicto cu Corte a duna den e caso di Aruba Offroad Foundation contra Pais Aruba. Manera ta conoci, e veredicto a sali na fabor di nos medio ambiente, flora y fauna. E veredicto aki tambe ta di importancia relaciona cu e reunion publico cu a tuma lugar dia 31 di juli ultimo cu tabatin como meta pa retira Minister Marisol Lopez – Tromp.

 

Minister di Husticia a bisa den prensa cu Minister Lopez – Tromp lo ta mete den cartera di otro ministernan. Minister Bikker tabata kier a kibra e maneho di FPNA y laga tur UTV y ATV keda core den Parke sin tene cuenta cu leynan internacional di medio ambiente. Den e veredicto Corte ta mustra claramente cu ta FPNA ta dicidi over di su maneho ya cu FPNA tin e autoridad exclusivo pa tuma decisionnan cu ta regarda e maneho di e Parke, pues ta nan so por dicidi si ta laga UTV’s y ATV’s drenta e parke y core riba e caminda of no y asta no mester pidi autorisacion di KPA ni DOW tampoco. Y esaki ta ancra den e landsbesluit Arikok. E unico papel cu e mandatario di Infrastructura y Medio Ambiente ta desplega ta esun di salvaguardia nos Medio Ambiente.

 

Ta di lamenta cu e Minister di Husticia y e Fraccion di POR kier uza e situacion di Parke Arikok como un di e puntonan pa exigi retiro di Minister Lopez – Tromp. Contrario na loke e fraccion di POR y Minister di Husticia Andin Bikker a trece dilanti, ningun momento Minister Lopez – Tromp a mete den cartera di e Minister di Husticia of Minister di Transporte. FPNA ta e unico cu ta tuma desicionnan riba e maneho di e Parke.

 

Pa conclui por bisa cu e Fraccion di POR nunca por a uza e argumento aki pa retira Minister Lopez – Tromp for di su funccion ya cu asta Corte su veredicto  a duna Minister rason riba loke el a bin ta splica su colega pa basta tempo caba, esta cu e no por mete den e maneho di FPNA.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio