Home Local Aruba Museum of Play cu exitoso Pop Up Children’s Museum

Aruba Museum of Play cu exitoso Pop Up Children’s Museum

SHARE

PIEDRA PLAT, ARUBA; Riba dia prome di augustus 2020 Aruba Museum of Play tabata tin nan prome Pop Up Children’s Museum unda grandi y chikito a disfruta. E concepto di un “children’s museum” of “museo di mucha” no ta uno mucho conoci na Aruba, pero asina mes despues di 2 dia cu a publica e evento riba Facebook nan tabata sold out. Esaki ta demonstra cu mayornan y muchanan ta interesa y ta desea pa Aruba tin su propio museo di mucha.

Aruba Museum of Play a ricibi hopi reaccion positivo di henter e pueblo di Aruba ora nan a lansa e projecto akinan na comienso di anja. Pero pa por hasi e museo un realidat ta bai dura un poco mas tempo door cu mester adkeri e fondonan necesario pa hasi esaki posibel. Pero asina mes e directiva di Aruba Museum of Play a dicidi pa hasi un “Pop Up Children’s museum” pa 1 dia pa asina Aruba por ser conoci un poco mas di serca kiko un museo di mucha ta.

Ariba e dia akinan di e Pop Up tabata tin 6 “exhibishon” interactivo unda muchanan hunto cu nan mayornan por a disfruta. Cada exhibishon por a demonstra kiko ta e concepto di un museo di mucha na un escala mas chikito y tabata tin su proposito pa sinja e mucha algo pa medio di e activdat. Muchanan a sinja tocante arte, colornan, forma, sciencia, matematica, experimento y mas.

Un “museo” ta conoci pa ta un lugar unda bo ta cana rond y no mag di mishi cu nada. Un museo di mucha ta net lo contrario, muchanan ta wordo encurasha pa hunga cu tur cos pa asina aki pa medio di e hungamento nan por siña den e area di arte, humandidad y sciencia. Tur cos ta “hands-on” y interactivo y e muchanan por explora e museo na nan mesun tempo y na nan mesun manera hunto cu nan mayornan, famianan y amigonan.

Aruba Museum of Play kier a gradici tur su sponsors cu a yuda pa hasi e actividat akinan posibel:
Aruba Airtport Authority
Aruba Bank N.V.
CIBC FirstCaribbean International Bank
Total Services Aruba
High Performance Aruba
La Estrella
Paradera Party Center
Ship 2 Aruba
Aruba Security & Crime Prevention
The FunPlay Company
Sixt Aruba Car Rental
Do It Center Aruba
Loui Henri Media Services
434 Media
Popcorn Dancers Aruba
Fundacion Centro Famia Piedra Plat
Marylies Kock

Por keda pendiente pa tur e desaroyonan di e museo y mas evento den futuro riba e siguiente rednan social:

Facebook: www.facebook.com/arubamuseumofplay
Instagram: @arubamuseumofplay
Website: www.arubamuseumofplay.org

Si ta interesa pa hasi un donacion na Stichting Aruba Museum of Play por hasi esaki na e cuenta di Aruba Museum of Play:
Banco: Aruba Bank
Account #: 601 497 0190

Tambe por tuma contacto cu nos directamente na:
E-mail: info@arubamuseumofplay.org
Tel/Whatsapp: +297- 594-2419

Nos ta spera di por conta cu henter e pueblo di Aruba pa por yuda contribui pa e projecto akinan pa asina aki por realisa cu Aruba tin su propio museo di mucha!

CONTACT:
Henk Reeberg
President
Aruba Museum of Play
info@arubamuseumofplay.org
+297-594-2419