Amsterdam Hulanda – Top criminal Ridouan Taghi tawata haya tur su informacionnan di un Marechaussee trahando na Schiphol Airport.
Di e manera aki e tawata sa exactamente con pa burla di Husticia.
E Marechaussee aki su caso a bin dilanti e aña aki y tambe su sentencia, debi cu den e investigacionnan cu tawata tin ariba Taghi. Autoridad a bin haya sa cu e tawata pasa e criminal informacion. Esaki ta pasa hopi biaha ora autoridad drenta bo cas prome cos cu nan ta busca of ta pasa man pe, ta bo cellular/laptop y eyden ta unda nan ta haya informacionnan valioso.
Segun autoridad e Marechaussee aki tawata drenta den e sistema y mira ken nan tur ta wordo señala/busca internacionalmente.
Esaki lo a tuma luga na 2015, durante di un hayazgo grandi di arma na Nieuwegein.
Taghi tawata sa tur cos cu tawata pasando, door di su contacto na Schiphol o sea e Marechaussee.
Durante investigacionnan a haya messagenan di PGP den forma di code.
“Mi a papia cu e chikito”(Ridouan Taghi) “E ta wordo busca pa e hero” (arma di candela). Un hende aparentemente a papia y asina tin mas mensahenan ariba e red di PGP cu ta wordo hopi uza door di criminalnan, unda cu autoridad no por capta kiko nan ta papia, of mester purba na infiltra pa asina trata na haya informacionnan, loke sigur no ta facil, paso cada biaha criminalnan ta bira mas sofistica den e mundo di comunicacion.
Ridouan Taghi ta wordo acusa/sospecha di un cantidad di likidacionnan y/of intento di likidacion.
Pa un tempo largo Taghi tawata e homber mas busca na Hulanda, te cu e la wordo señala y aresta.
E investagion ariba Ridouan Taghi a wordo acelera despues di un likidacion na Marrakech Marokko, unda cu autoridad local tambe a cuminsa haci nan investigacionnan.
Di e manera ey, poco poco conhuntamente cu autoridadnan international, husticia Hulandes tawata yega cada biaha mas cerca di Taghi, cerando e net cu e no por a move liber mas.
Segun un hefe di polis na Dubai, Taghi tawata for di 2016 na Dubai scondi den un Villa cu cortina cera.
Su man drechi Saïd R a wordo getraced na Colombia y a wordo aresta na Medellin.
Taghi y Saïd fuera di tawata duna ordo pa likidacionnan tambe tawata meti den traficacionnan grandi di droga.