Home Politics Mañan 15 di augustus ta ultimo dia pa aplica y prolonga FASE

Mañan 15 di augustus ta ultimo dia pa aplica y prolonga FASE

SHARE

 

 

 

Manera Gobierno a bin ta anuncia e siman aki, FASE su ultimo dia di aplicacion pa sea prome biaha of pa prolongacion ta 15 di augustus (awe diasabra) pasobra FASE ta termina fin di September.

 

E recordatorio na tur hende ta, no ta pasobra bo ta cobrando FASE e prolongacion ta bay automaticamente. NO. Bo mester registra pa prolongacion. Y no ta pasobra bo a registra full di nobo esey kiermen cu bo a prolonga. NO. Bo mester registra pa prolongacion. E motibo pakico a introduci esaki ta pa sigura cu esunnan cu ricibi e ultimo dos lunanan di FASE, realmente ta bin na remarca p’e.

 

A yega na FASE Helpdesk e informacion cu lo tin hopi hende cu a cuminsa traha y cu ta cobrando FASE tambe. Esaki no ta corecto pa motibo cu FASE ta solamente pa e hendenan cu ta sin trabou y sin entrada. Tambe a yega na oido di FASE Helpdesk cu tabatin hende cu por a haya trabou pero cu a nenga e trabou pasobra lo ta prefera keda cas haya AFL 950.

FASE tabata for di su inicio un ayudo temporario, na prome instante solamente pa tres luna. Minister Glenbert Croes y Gabinete Wever Croes a bay di acuerdo pa prolong’e cu 3 luna mas pero cu e entendimento cu FASE manera cu nos conoce awo, no por sigui mas.

 

E mandatario ta trahando riba un plan nobo cu mester acapara e bashi despues di FASE. Pero con y kico esaki exactamente e lo bira, ainda ta den su fase inicial di estudio.

 

Mientras tanto, e siguridad t’ey te cu fin di september. Aplica. Prolonga. 

 

13 augustus 2020