137
Bubali – Diahuebs atardi algo pasa di 4’or polis y tambe brandweer a bay Super Food, unda cu tawata tin candela den e cushina.
E prome informacion a bisa cu e personanan eynan mes a paga un parti di e candela, pero un pida nan lo no por a domina.
E problema of miho bisa candela lo a cuminsa den e Bakery.
Mayoria di hende mester a bay pafo pa nan mesun siguridad.
Brandweer a logra domina loke tawata na candela, segun nos a compronde tawata tin di haber cu un forno den e Bakery.
Despues cu brandweer tawata tin tur cos bou control a habri e luga pa huma sali.
Algun rato despues ora cu e huma a bay nan por a reanuda trabou.