Home Local IBISA Kamp 2020 a clausura exitosamente Aruba Bank contento di por...

IBISA Kamp 2020 a clausura exitosamente Aruba Bank contento di por a forma parti  

SHARE

Oranjestad –  Durante un periodo di 3 siman, un total di 600 mucha entre e edad di 6 pa 14 aña por a disfruta di un dushi Kamp 2020 presenta pa IBISA Aruba. Cada siman un total di 200 mucha por a participa na 2 diferente localidad na Aruba.

E IBISA Kamp 2020 a conta cu un programa hopi varia y extenso. Muchanan por a disfruta di un dia di sport en spel. Tambe por a purba diferente tipo di deporte manera beach soccer, voetbal y volleybal.

E diferente gruponan a haci bishita na diferente lugar entre otro Rode Kruis, KPA, pa ricibi demonstracion di con un dia di un Polis ta awendia, Douane y IMSAN. Tambe a ricibi informacion tokante arte for di John Freddy Montoña. Tur e muchanan a disfruta di un dushi na Aruba Waterpark, caminda nan por a uza lo maximo cu e Aruba Waterpark tin di ofrece.

E siman di IBISA Kamp 2020 a clausura cu un film na The Cinemas y pa termina un dia di awa na e diferente localidadnan.

Aruba Bank ta satisfecho di a contribui cu IBISA y cu nan por a clausura un bunita projecto cu caranan contento di nos muchanan cu a disfruta di un tremendo IBISA Kamp 2020.