Home » Prome Minister Evelyn Wever-Croes: 87 caso nobo di Covid: TA URGI ARUBA PA SIGUI MANTENE NA REGLANAN DI DGV

Prome Minister Evelyn Wever-Croes: 87 caso nobo di Covid: TA URGI ARUBA PA SIGUI MANTENE NA REGLANAN DI DGV

by Admin
0 comment 77 views

“Ta cu disciplina y cordialidad nos ta bay surpasa e retonan aki”

Diamars Aruba a haya 87 caso nobo di Covid. Esaki awo a yega na un total di 600 caso registra na DVG. Prome Minister desde un diferente localidad dialuna anochi durante di conferencia di Prensa di Gobierno di Aruba hunto cu Crisis Team a urgi tur hende pa mantene e reglanan di DVG pasobra ta cu e disciplina aki so nos lo logra surpasa e crisis aki.
“Mi ta urgi comunidad di Aruba pa mantene nan mes na e reglanan di DVG y reglanan di isolacion. Talves bo no a haña un yamada ainda of un di dos yamada of un bishita ainda, no ta nada, bo conoce e reglanan. Mantene bo den isolacion, uza bo mondkapje mas tanto cu ta posibel si bo tin cu ta den contacto cu hende asina bo ta yuda protehe bo famia y bo ta yuda nos proteha pais Aruba.

Fin di siman a bay trankilo mi a wordo informa door di korps chef. Pa esaki mi kier gradici e comunidad di Aruba cu a demostra e disciplina. Y na tur esnan cu tawata cuestiona si tur e medidanan cu nos a tuma tawata na su luga of no, danki pa e cooperacion y e comprension pa asina nos cayanan tawata trankil.

Ora e virus aki toca na bo porta ta varios reaccion ta pasa den bo curpa. Tin hende ta spanta, tin hende ta preocupa, tin hende ta zundra, ami a zundra pero loke nos no mester haci ta bay den panico pasobra manera nos por a scucha di nos profesionalnan nos tawata bon prepara, tambe pa e scenario aki. Hopi hende no ta kere. Nos no ta custuma di haña 500 caso ya cu nos maximo tawata 101 e prome biaha. Pero nos ta bon prepara, nos tin sufciente test, nos hospital ta bon prepara y tur nos profesionalnan ta bon prepara.

Awor nos ta miho prepara ainda pa e procesonan nos dilanti. Claro nos mester cambia algun procedura y cambia e maneho. Ta logico ya cu e embargadura di esaki ta diferente compara cu loke nos a haña di Covid y e diferencianan aki a wordo splica.
Nos tin cambio den procedura di cuarentena, nos tin cambio den procedura di haci test pero e importante ta pa abo cuida bo mes, bo famia y Aruba. Ta cu disciplina y cordialidad nos ta bay surpasa e retonan aki”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio