Home » Presidente di Cft Raymond Gradus ta bishita Banco di Cuminda di Corsou

Presidente di Cft Raymond Gradus ta bishita Banco di Cuminda di Corsou

by Admin
0 comment 73 views

 

Willemstad – Raymond Gradus, presidente di e tres Colegionan di supervision financiero (Cft), recientemente a haci un bishita na Banco di Cuminda di Corsou (Voedselbank Curaçao). Ey el a haya informacion di e secretario di e Fundacion, Stacia Illidge, tocante e proposito di e iniciativa social aki, cu for di cuminsamento di e crisis di COVID-19 tur luna ta ofrece ayudo na miles di famia. For di april 2020 a parti mas di 40.000 pakete di cuminda. Tambe a inform’e tocante e donantenan, cualnan pa medio di nan contribucion financiero ta haci e forma di asistencia aki posibel, y e compromiso di tur e boluntarionan cu ta esforsa nan mes na diferente manera tur siman pa finalisa tur e trabounan.

Raymond Gradus ta haciendo un bishita informal na Corsou, unda durante un siman personalmente e ta tuma nota di e desaroyonan local y ta tene combersacion informal cu diferente instancia y persona. Originalmente e proposito tabata pa bishita tambe otro pais Caribense den Reino Hulandes, pero finalmente esey no a resulta posibel. E bishita regular di e Colegio den su totalidad na e paisnan, cu tabata programa pa juni, tambe a keda cancela; e siguiente biahe ta planea pa october.

 

Pictures by © Berber van Beek https://www.facebook.com/studiorootzphotography/ or www.studiorootz.com
Pictures by © Berber van Beek https://www.facebook.com/studiorootzphotography/ or www.studiorootz.com
Pictures by © Berber van Beek https://www.facebook.com/studiorootzphotography/ or www.studiorootz.com

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio