Koyari – Dialuna anochi pa mas o menos 8:30 polis y despues ambulanca a bay crusada di Koyari. Eynan un accidente a sosode y lo tin hende herida.
Na yegada polisnan a topa cu Lincoln y un Suzuki.
E Suzuki tawata pega contra un mata di Kwihi, y tawata totalmente destrui dilanti.
Na e sitio a compronde cu e Suzuki tawata bayendo direccion nort, y dado momento e Lincoln a sali for di parti pariba di e crusada.
Esaki a causa cu e Suzuki a maniobra pero asina mes ta dal contra e Lincoln parti dilanti pa despues bay dal contra un mata di Kwihi.
Na prome instante a pensa cu lo tin hende pega den e auto, pero esaki no tawata e caso.
Dos ambulance a presenta pa pa atende cu ambos ocupante di e vehiculonan envolvi.
Takelwagen a presenta pa bay cu e Suzuki cu tawata pega contra e mata di Kwihi.
