Home » AHATA: Recuperacion economico ta leu ainda

AHATA: Recuperacion economico ta leu ainda

by Admin
0 comment 62 views

ORANJESTAD, Aruba: Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y e prome luna cu nos frontera a habri bek a experiencia tiki recuperacion pa nos turismo.

JULI 2020

Ocupacion: E ocupacion na hotelnan tabata solamente 7.5% , cu ta 81.1 punto menos cu un aña pasa. Esey kiermen cu ocupacion a baha cu mas cu 91% e luna aki compara cu aña pasa.

ADR: E balor averahe di cada camber den Juli a keda casi mescos na $246.35.

RevPAR: E entrada averahe pa tur camber disponibel tabata $18.60 na Juli, representando un reduccion di 91.5% compara cu un aña pasa.

AVERAHE 2020

Ocupacion: E ocupacion averaha pa prome 7 luna di 2020 ta 31.3%, cu ta un reduccion di 64% di nos nivel di aña pasa pa e mesun temporada.

ADR: E balor averahe di cada camber pa e temporada di 7 luna ta $353.80, cual ta 20% mas halto cu aña pasa.

RevPAR: E medida principal pa industria di turismo, esta e entrada averahe pa tur camber disponibel ta $110.59 pa e prome 7 luna di 2020. Un reduccion di 56.2% compara cu aña pasa.

Mientrastanto, e siman aki e cantidad di cancelacion di reservacion a subi atrobe pa motibo di e brote nobo di COVID-19 na nos isla. Tur indicacion ta cu e trayectoria di recuperacion ta uno hopi largo. Mientrastanto companianan na Aruba no por sobrevivi sin sosten fiscal y sin reforma di ley laboral pa por scapa mas cupo di trabou posibel cu sobrevivencia comercial.

E cifranan di AHATA ta basa riba 19 hotel miembro: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Renaissance Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio