Home » Minister Xiomara Maduro ta informa: E investigacion di Controlaria General riba Cuenta Anual di Pais Aruba pa 2018 ta disponibel

Minister Xiomara Maduro ta informa: E investigacion di Controlaria General riba Cuenta Anual di Pais Aruba pa 2018 ta disponibel

by Admin
0 comment 52 views

ORANJESTAD – E siman aki Controlaria General di Aruba ta publica nan investigacion riba e Cuenta Anual di Pais Aruba pa aña 2018. E rapport ta disponibel via www.rekenkamer.aw.

Na momento cu nos a asumi nos responsabilidad como Minister di Finansa di Pais Aruba nos a traha na un manera serio pa atende cu e finanzas publico precario di Pais Aruba. Despues di un periodo di 8 aña den cual a redobla e debe di Pais Aruba, dificilmente por a drecha e situacion den un aña di tempo. Si nos a percura pa traha riba un Memorandum Financiero y Economico cu a mustra e caminda pa cana pa yega na mehoracion. Su frutonan nos por wak den 2019 na unda cu Aruba a cuminsa recobra credibilidad financiero y tur rapport di evaluacion financiero y economico di Pais Aruba ta indica e progreso aki. Lamentablemente COVID19 ta hinca Aruba den un situacion hopi mas dificil y hopi esfuerso haci ta perde nan relevancia. Nos ta drenta den un scenario financiero aun mas dificil. Pesey ta tempo atrobe pa nos ahusta nos belanan y haci e cambionan necesario pa nos por navega e lama bruto nos dilanti cu e forza di coherencia y resiliencia cu Aruba ya ta conoci pe.

Dentro di poco ta spera cu Parlamento di Aruba por trata e Cuentanan Anual di Pais Aruba di 2016, 2017 y 2018 pa asina nos por sera e ciclo presupuestario di dicho añanan di gobernacion. Asian Minister di Finansa Sra. Xiomara Maduro a trece dilanti den un comunicado di prensa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio