Home Police Un dama seriamente herida den accidente ariba Avenida Milo Croes

Un dama seriamente herida den accidente ariba Avenida Milo Croes

SHARE

Avenida Milo Croes – Diabierna merdia pa mas o menos 2:30 ta sosode un accidente basta serio na e crusada Avenida Milo Croes cu Stadionplein. Un accidente unda cu varios persona a resulta herida.

Na yegada di patruya nan a topa cu personal di Rode Kruis, dunando un dama prome auxillio y ta avisa agentenan pa pidi un ambulance cu urgencia. Debi cu e situacion di e dama lo ta serio.

Mientrastanto nan a confirma cu tin tambe algun mucha cu tawata den un di e autonan y nan tambe tawata keha di dolor.

Polis a cera e caminda, asina evitando cu trafico por stroba.

Rode Kruis hunto cu Paramediconan cu a yega na e sitio tawata trata e dama, cu probablemente despues di e impacto fuerte a resulta seriamente herida.

Despues nan a sigui controla esnan menos serio herida.

E accidente tawata mustra falta di duna preferencia y no por atencion ariba trafico.

Tawata trata di un Hyundai Accent y un  Ford Figo.

Mirando cu ta trata di un accidente serio debi cu un di personanan ta serio, a pidi tambe BFTO(polis tecnico) pa  presenta y saca fotonan cu tin valides pa investigacion.

Tambe nos a tuma nota di Sra.Janine di slachtofferhulp. 

Departamento di trafico a haci un investigacion extenso con e accidente a sosode.