Home » PHP: Procedura pa exigi alimentacion di un yiu (part II) 

PHP: Procedura pa exigi alimentacion di un yiu (part II) 

by Admin
0 comment 43 views

 

E edicion di articulo aki ta un continuacion di esun anterior. Un peticion di vaderschapsactie mester wordo entrega na nos Corte di Prome Instancia. Esaki ta sosode pa medio di un peticion por escrito (verzoekschrift). Si acaso e yiu no tin 18 aña ainda, e figura di autoridad (gezagsdrager, cu den mayoria caso ta e mama) of voogd lo tin cu inicia e procedura aki segun art. 1:406a BWA. Na momento cu e yiu cumpli e edad di 18 aña, e yiu mes lo por realisa e procedura aki door di entrega su peticion na corte. 

Contra ken bo por entrega un ‘vaderschapsactie’? 

  • Na prome lugar contra e ‘verwekker’. Tuma nota: Manera ya caba a ser menciona, e ‘verwekker’ di un mucha semper ta e mayor biologico, pero e mayor biologico no tur ora ta e ‘verwekker’, como por ehempel un donante di e material genetico (spermadonor). Cu otro palabra, un donante di material genetico no ta wordo considera di ta un ‘verwekker’ y pa es motibo no por entrega un peticion di vaderschapsactie contra e donante; 
  • Na di dos lugar contra e homber cu como pareha di e mama a duna su consentimento pa un acto cu por resulta den e nacimento di un yiu, por ehempel in-vitrofertilisatie. 

Vaderschapsactie ta bai maximo 5 aña bek Art. 1:403 BWA ta stipula cu na momento di entrega e peticion por bai bek maximo te cu un periodo di 5 aña. Por ehempel, si na momento di entrega e peticion, e mucha tin 7 aña, abo no lo haya 7 aña di pago pa gastonan di cuido y alimentacion pa e yiu, sino solamente 5 aña. Si acaso e homber menciona den e paragraf anterior a fayece, despues di su morto, su herederonan (erfgenamen) por haya nan mes obliga pa paga un suma pa e mantencion y educacion di e mucha cu no a alcansa e edad di 21 aña, art. 1:406b BWA. 

Tienda di Ley kier enfatisa cu a trata mas tanto posibel na splica e terminologianan aki den Papiamento pero no tur biaha tin palabranan huridico exacto cu por wordo uza. Ta spera cu por a informa e lector den liñanan grandi tocante e topico aki. Si bo persona tin pregunta of ta desea asistencia huridico por tuma contacto cu nos via nos facebook page of nos e mail: [email protected]

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio