Santa Cruz – Diaranson mey anochi birando diahuebs un habitante biba na Paradera a pidi asistencia di polis, debi cu e ta tras di un auto cu a bin den su cura dos anochi tras di otro.
E la splica polis unda e ta e momento ey. Na Santa Cruz dilanti di Cede di Mep polis ta para un Audi color preto.
Den e Audi tawata tin dos hoben.
Mientrastanto un patruya mas a yega pa asisti nan coleganan.
Na e sitio tawata presente e habitante cu a sigui e auto y e la splica polis kiko a pasa. Eynan polis a tuma su datonan.
Otro agentenan a haci e dos hobennan algun pregunta y despues a bay over pa search e auto.
Un agente a rista e auto y a bin haya basta marihuana y esaki a bira motibo suficiente pa a detene doño di e auto cu ta e chauffeur. Patruya na e sitio mes a hibe warda.
Polis a cera e auto y a parkeer esaki dulanti un supermercado den vecindario.
E otro hoben mester a sigui su caminda na pia.
