132
Wayaca: Diahuebs algo pasa di 2’or y mey di merdia, a sosode un accidente banda di e Hyatt Hotel pariba airport. Mesora a pidi pa presencia di Polis y ambulance.
Na yegada nan a bin compronde cu un Hyundai preto maneha pa un dama pa un of otro motibo lo a perde control, baha caminda y bolter. E dama tras di stuur a keda herida. Personal di Brandweer tambe a presenta na e sitio y a asisti e personal di ambulance. E Paramediconan a logra saca e victima for di e auto y despues cu nan a stabilis’e a transport pa hospital.
E dama tras di stuur pa un of otro motibo a perde control baha caminda, e auto a pasa memey di dos pion y a bay bolter pariba di e cura di Hyatt Hotel.