Home Local Aruba Bank ta yuda Fundacion Mi Voz Ta Bo Voz pa por...

Aruba Bank ta yuda Fundacion Mi Voz Ta Bo Voz pa por yuda 200 mucha

SHARE

 

Oranjestad – 07 di augustus 2020 – Aruba Bank, representa pa Sra. Gina Habibe-Arendsz, Executive Director y Sra. Nataly Simmons-Thompson, Executive Director a haci un donacion na Fundacion Mi Voz Ta Bo Voz, representa pa Sra. Lisette Gomes, Presidente y Sra. Yolanda Partosemito, Tesorera, pa e proyecto di “Adopt a child for back to school”. Un total di 200 muchanan lo ricibi ayudo for di e fundacion pa e aña escolar 2020-2021.

E meta di e Fundacion cu e proyecto di back to school ta pa por yuda diferente famia cu ta den necesidad y no por cumpra e articulonan di scol pa nan yui.

Ademas di esaki nan lo sigui tambe cu nan tarea di atende cu tur tipo di caso relaciona cu abuso di mucha y lo sigui duna guia tambe na muchanan y famianan cu a wordo abusa di un manera of otro.

Banda di esaki lo traha riba prevencion cu focus ariba e mucha. E meta ta pa yega directamente na e mucha y crea muchanan fuerte cu nan por para pa nan mes y bisa no na abuso.

Aruba Bank ta desea tur mucha un bon comienso di aña escolar 2020-2021!