Home Dutch Kingdom Structura di poblacion y conectividad di coralnan hermatipico  dentro di zuid...

Structura di poblacion y conectividad di coralnan hermatipico  dentro di zuid Caribe Hulandes 

SHARE

 

 

Un estudio nobo, como parti di e proyecto SISSTEM na Universidad di Aruba, lo examina conectividad genetico di coralnan ubica rondo di e islanan ABC. E meta ta pa haya un concexion entre e formacion espacial di especie di coral duro pa conectividad y structura di poblacion entre e islanan. Comprendiendo e relacionnan aki, lo yuda pa expande nos conocemento di reproduccion di coral y di isla interconecta pa guia maneho di e zona na costa den futuro. 

 

Rif di coral ta entre e poblacionnan di mas diverso y productivo den medio ambiente maritimo. Particularmente den e area tropico, nan ta un eco-sistema iconico, door cu nan ta hotspots pa biodiversidad, atraccion principal pa turismo, ta provee empleo pa hopi local y ta representa un ambiente di naturalesa maritimo compleho. Coralnan hermatipico, miho conoci como coralnan duro, ta e fundeshi basico di crecemento di rif di coral tropical. Crecemento di e tipo di coralnan aki formadonan di rif di coral y distribucion di rifnan di coral, ta ser altamente influencia pa e ambiente fisico. 

 

Reproduccion di Rif di Coral 

 

Coralnan hermatipico por reproduci asexual, caminda nan ta produci geneticamente nan mesun clone identico. Esaki ta causa produccion masivo di skelet cual colectivamente ta forma e herante di limestone di rifnan tropical. Coralnan tambe ta reproduci cu un sexo specifico, durante cual nan ta crea individuo nobo geneticamente for di e combinacion di “gametes” masculino y femenino pa diferente colonia di pariente.  Constitucion genetico nobo y variacion minimal atraves di varios generacion por causa adaptacion pa resisti e sensitividad di coralnan contra factornan cu por causa stres, manera por ehempel malesa, temperatura eleva y polucion. 

 

Durante reproduccion sexual, e coralnan ta instrui pa libera nan celnan reproductivo of  “larval planulae” for di e colonia di pariente cual finalmente ta ser carga y distribui den awa. 

Factornan manera metodo di reproduccion sexual di especienan di coral (sea cu nan ta “brooders” of “broadcast spawners”) coriente y habitat di zona na costa ta influencia e distancia, direccion y grado di seperacion planular tambe cu nan posibel acoplamento. 

E reproduccion exitoso, connectividad (of intercambio di :planulae” entre rifnan) y acoplamento di “planulae” ta fundamental pa desaroyo saludabel di rifnan di coral y esaki ta directamente conecta na e abundancia y salud di otro organismo maritimo cualnan ta depende ariba nan pa sobrevivensia. E magnitud di cambio di medio ambiente tumando lugar den region di Caribe y tambe ariba nivel global ta significante, y solucionnan ta rekeri investigacion encuanto e manera cu poblacionnan di coral ta conecta. Tambe, pa comprende con e interaccion entre geno tipo y ambiente (seascape) y factornan cu ta causa stress ta impacta distribucion planular. 

 

Investigacion cientifico 

 

Pa e motibo ey, e meta di e proyecto di investigacion aki ta pa conecta e formacion espacial di especie di coralnan hermatipico y structura di poblacion entre e islanan cual conhuntamente ta forma Zuid Caribe Hulandes (Aruba, Bonaire and Curaçao). E estudio aki tambe lo compara e nivel di distribucion planular entre modo reproductivo di coral utilisando “brooding mustard hill coral (P. astreoides)” y “symmetrical and broadcast spawning grooved brain corals (P. strigosa and D. labyrinthiformis)”, como e especie di estudio. 

 

Pa localisa e movemento y conectividad di e planulae coral microscopico aki atraves di e lama grandi zuid di Caribe, nos lo utilisa primeramente e acercamento genetico y analysis. Instrumentonan molecular por ehempel “microsatellite markers” lo ser utilisa pa identifica y examina e geno tiponan di coralnan cual ta ser studia y ta permiti nos pa establece asina’ki relaccionnan particular bou di coralnan individual y e distancia cual ta separa nan. 

 

E estudio aki ta parti di “Sustainable Island Solutions through Science, Technology, Engineering and Mathematics (SISSTEM) project” na Universidad di Aruba. Diana Melville, candidato di PhD di Universidad KU Leuven y Universidad di Aruba, ta e cientifico principal  supervisa pa drs. Eric Mijts, Universidad di Aruba y Prof. Filip Volckaert, Laboratorio di “Biodiversity and Evolutionary Genomics”, KU Leuven, Leuven, Belgium

 

Explorando contesta 

 

Preguntanan cu ta surgi ta: coralnan riba islanan ABC ta geneticamente relaciona? Cual di e poblacionnan ta e fuente di decencia? Cua ta e papel di factornan medio ambiental y caracteristica biologico den formacion di conectividad? Poblacionnan di coral ta adapta na e cambionan di ambiente? 

 

Islanan ABC 

 

E tres islanan, relativamente den proximidad di otro, ta ofrece un excelente scenario di estudio pa compara y contrasta factornan relaciona ku distribucion via di influencianan comparti hydro dinamico, ecologico y artificial. Cada isla a tuma un acercamento di conservacion specifico cu diferente impacto riba eco-sistema costal.  Tur di nan ta comparti un turismo prospero asocia na areanan di costa, ta depende di pesca y otro servicionan biologico cual rifnan di coral ta ofrece. Sinembargo, e calidad di e servicionan aki ta depende di e nivel di e salud di rifnan di coral. Te cu awe no tawatin ningun estudio ariba e conectividad genetico di rifnan di coral den e region. E resultadonan di e estudio aki lo provee un base saludabel pa maneho di zona di costa di e region, cual ta ser considera un ecologicamente importante. Ta pa e motibo ey den e proyecto aki di PhD lo tin oportunidadnan unico pa explora y trece dilanti e limitacionan di conectividad den e region di ABC.