Home » Lesnan Global di COVID-19 y Resiliencia Nobo pa Recuperacion

Lesnan Global di COVID-19 y Resiliencia Nobo pa Recuperacion

by Admin
0 comment 67 views

E resiliencia y rapidez di e mercado mediano lo por a yuda contra e shock masivo di e pandemia COVID-19. Lo transferi e mesun resiliencia y rapidez na e recuperacion di economia di Aruba?
E pandemia di COVID-19, “lockdown”, y shock economico a test negoshinan na Aruba na un manera inespera y sin precedente. Ademas e impacto di COVID-19 lo prevalece pa añanan nos dilanti. Aruba Hotel & Tourism (AHATA) a reporta cu recuperacion ainda ta poco poco, especialmente pa companianan cu ta depende di turismo. Tres luna cu frontera sera y “Shelter in Place” a baha e ocupacion na hotelnan pa 9% desde Juli 2020 y un recuperacion gradual ta wordo spera cu ocupacion di 40% na December 2020. Ademas, Banco Central di Ariba (CBA) a reporta cu den ausencia di e pandemia di COVID-19 Aruba por a spera un proyeccion di crecemento economico di 2.8% na 2020. Consecuentemente, e economia di Aruba ta proyecta pa cay den termino real entre 16% y 31% na 2020.
Globalmente hopi mercado mediano a anticipa cu COVID-19 lo tin un impacto severo riba nan entrada. Apesar di e impacto, “The Grant Thornton International Business Report” (IBR) su datonan a reporta cu globalmente e mercado mediano a maneha e crisis cu resiliencia. Asina, for di un perspectiva global nos por siña for e decision strategico cu a wordo tuma prome cu e crisis cu a yuda e resiliencia y considera cua strategia companianan na Aruba por implementa pa cuminsa cu nan recuperacion.
Manehamento di placa
Pa rapidez, IBR a revela cu, mayoria di negoshinan den e mercado mediano a tuma stapnan definitivo pa trata cu e efectonan economico di e pandemia. Companianan a hasi cambio di strategia den sectornan unda cu tabata spera perdida di entrada significante door di implementa manehamento di placa.
E maneho di cashflow ta ciritico – y lo keda asina. Cu sosten di gobierno negoshinan a busca asistencia di gobierno ariba financianan externo y a tuma un metodo varia pa sigura likides. Globalmente companianan a pone placa inactivo den working capital of a reduci na facilidad di banconan, a papia cu dunadonan di fiansa pa credito nobo, y a negocia cu nan clientenan pa paga tempran. Ademas, mayoria di negoshinan a implementa trabou flexibel y a reduci costo laboral door di corta den pago, den empleadonan of ambos, y a reduci of suspende algun operacion.
Preveni risiconan den recuperacion
E transicion for di un crisis ta e temporada mas vulnerabel pa un organisacion. E acumulacion di perdida di compras y inventario por pone tension riba negoshinan y derota likides ora cu nan inverti mas placa pa bolbe na un ‘normalidad’.
E maneho di cashflow ta crucial pa hopi negoshi mientras nan ta drenta den e fase nobo aki. E eventual cancelacion di gobierno su sosten via su programanan lo hasi esaki bisto; specialmente pa negoshinan cu mester tuma cuenta cu pago di impuesto cu a wordo posponi. Ademas, e crisis a alerta negoshinan na e necesidad pa maneho di crisis den futuro, aplicacion di tecnologia y transformacion digital pa sigura continuidad y e necesidad pa mehora flexibilidad organisatorio.
Den preparacion pa recuperacion, companianan ta averigua e uzo di planificacion di scenario, e maneho di empleadonan, y desafio liderazgo. Globalmente negoshinan ta considera y planea protocol adicional di siguridad na trabou pa evita un di dos epidemia. Es mas, negoshinan ta planea uzo di recursonan pa un recuperacion stabil y beneficioso pa segura nan mes den un economia turbulento door di priorisa clientenan, mercadonan, y producto of servicionan cu lo sostene nan compania.
E Resiliencia Nobo
E pandemia y lockdown mundial a test e economia di Aruba inesperadamente y sin precedente. Awor cu mundo su economia ta drenta un fase nobo, atencion y rapidez tambe lo ta crucial pa negoshinan na Aruba. Mester enfoca riba e maneho di cashflow pa preveni negoshinan di bai failliet. Mientrastanto, flexibilidad operacional, bon tecnologia, y planea pa varios scenario binidero ta vital no solamente pa proteha negoshinan, pero tambe pa yuda nan crese den un normal nobo.

Nos ta spera cu e informacion ta comprendibel. Si bo kier revisa algun topico cu a wordo menciona, tuma contacto cu un advisor di Grant Thornton Aruba awe mes.

Nota pa redaccion
Grant Thornton Aruba ta existi 80 aña. En total mas cu 50 hende ta traha pa Grant Thornton Aruba. E prioridad di Grant Thornton Aruba su team ta pa scucha bo necesidadnan y hasie nos prioridad pa asina ofrece nos clientenan un servicio cu calidad di nivel mas halto. Grant Thornton Aruba ta consisti di diferente departamento pero ta funciona como un team pa sigura cu tur cliente ta recibi un servicio amplio y completo.
Nos ta miembro di un red di oficinanan di Grant Thornton rond mundo den 140 pais y cu mas di 56.000 empleado. Ta nos tarea pa presenta calidad den nos trabou cu ta den e areanan di servisionan di auditoria, impuesto y asesoramento. E cliente mester djis bisa nos kiko ta importante p’e. Pa mas informashon bishita www.grantthornton-dc.com.
Grant Thornton ta referi na e red di Grant Thornton y/of un of mas di e firmanan miembro. Di cua cada un tin nan mesun entidad huridico.
Pa mas informacion por tuma contacto cu: Ivana Jansen, tel: +297 522 1647, e-mail: [email protected]
Por sigui nos na Facebook y LinkedIn of tambe via di: www.facebook.com/grantthorntoninaruba y www.linkedin.com/company/grant-thornton-in-aruba

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio