Home Politics Falta di no duna preferencia: Accidente serio na crusada di Palm Beach...

Falta di no duna preferencia: Accidente serio na crusada di Palm Beach a laga 3 persona herida atras

SHARE

Palm Beach – Diaranson mainta informacion a drenta di un accidente serio panort di e luznan di trafico na Palm Beach.

Ja pa varios siman e luznan aki no ta den funcion, y a pone avisonan electronico ariba Avenida Nelson O. Oduber cu esakinan no ta trahando.

Diaranson mainta un Kia Picanto v-car a subi e crusado for di banda di pariba, y pa su mala suerte tawata tin un pick up biniendo di pazuid cu velocidad hopi halto.

Esaki mas cu claro a causa un impacto hopi duro, unda cu e la lastra e v-car pege contra un mata di Kwihi, pa despues e pick up mes para panort di dje cara pabou.

Un total di tres persona a resulta herida, unda cu mester a haci uso di tres ambulance y rapid responder, y tambe dos unidad di Brandweer.

Bomberonan mesora a drenta den accion pa asina libera un dama turista cu a keda pega den e Kia Picanto.

Chauffeur di e pick up tambe a resulta herida, cu kap serio na cabes pero asina mes e la cana subi ambulance.

Tur tres herido a wordo transporta pa hospitaal.

Polis a cera e area pa asina trabounan di rescate por a tuma luga, esta di parti di Brandweer.

Takelwagen mester presenta pa bay cu ambos auto, mirando cu nan lo no por move ariba nan propio forsa.