Oranjestad – Na Departamento di Culltura Aruba ta haci tur locual ta posibel pa mantene e bienestar y salud di su coleganan y nos bishitantenan, door di tene cuenta cu e distanciamento social y limita contacto fisico.
Conforme Maneho stipula pa Gobierno di Aruba y teniendo cuenta cu e ultimo desaroyonan encuanto e aumento di medidanan segun e plan di maneho pa contingencia di e Corona virus (Covid-19) di Gobierno. Relaciona cu esaki ta importante pa practica cu cautela, precaucion y limita contacto fisico cu ta na bienestar y proteccion di nos bishitante y personal di DCA.
Pa e motibo aki desde awe 5 di augustus 2020, ta bira obligatorio pa cada bishitante cu bishita cualkier seccion di nos oficina y tanto na balie di DCA pa uza un tapaboca (mondkapje).
Departamento di Cultura Aruba ta pidi na tur su bishitantenan pa tuma bon nota di e medida y participacion aki. P’asina cumpli cu esaki debidamente segun peticion di e plan di contingencia duna door di Gobierno di Aruba su Crisis Team. Lo no duna servicio na e bishitantenan, si no tin un tapaboca (mondkapje).
DCA ta pidi comprension pa cu esaki na bienestar di nos bishitante, personal y comunidad di Aruba en general.