ORANJESTAD (AAN); Durante e temporada di vacacion escolar Banco di Caribe, Ennia y Kiwanis Club of Aruba ta uni pa di tres bes, e biaha aki pa participa den e prome edicion digital “Global Money week” Aruba organisa pa Banco Central di Aruba. “Global Money Week” ta forma parti di e plataforma internacional di “Global Money Week”, un evento educacional cu ta tuma luga mundialmente cada aña y cu ta enfoca riba educacion y conscientisacion den e area financiero. E meta ta pa educa nos futuro generacion den un manera interactivo di e diferente areanan di placa: con pa traha placa, con pa spaar placa, con pa uza placa na un manera responsabel y con pa duna bek na e comunidad.
“Give Back” of duna bek na comunidad y ta un colaboracion entre Banco di Caribe, Ennia y Kiwanis Club of Aruba pa siña e muchanan e importancia pa duna bek na e comunidad di Aruba y con pa traha hunto pa asina logra nan meta y propositonan.
Durante e siman di Augustus 3- 7 tur mucha di scol basico por participa na e “Global Money Week digital” y na final lo saca 15 nomber cu ta ricibi nan tas yena cu articulonan di scol.
Con pa participa?
* Mira e video realisa cu Cruz Cora y Fundacion Pa Nos Comunidad riba e pagina di Facebook di Global Money Week Aruba.
* Contesta e preguntanan di e cuestionario adhunto den e descripcion.
Dialuna 10 di Augustus lo anuncia 15 nomber cu lo ricibi nan tas yena cu articulonan di scol riba e pagina di Global Money Week Aruba.
Banco di Caribe, Ennia y Kiwanis Club of Aruba ta desea e muchanan hopi exito!