Diadomingo algo despues di 10 or di mainta, polis a wordo manda na un Rancho pabou di Natural Bridge pa un situacion sospechoso.
Na yegada nan ta topa cu un Nissan Almera Blanco para dilanti di e rancho. Ora nan a bay mira mas a leu, nan a bin topa un dama di nacionalidad Venezolano den actonan sexual cu dos homber local.
E agentenan a pidi e dama pa su papelnan pero e no por a mustra cu e tin papel pa ta kedando legalmente na Aruba. E polisnan a pidi papel di e auto, e doño di e auto no por a demostra niun documento valido di e auto. Polis mesora a confisca e auto y a pidi pa un takelwagen.
E doño di e auto a keda atende cu polis mientras e otro homber yen berguensa a core scond’e, paso e ta un homber casa of tin un pareha y sigur esaki lo afecta su relacion.
E amigo a comenta ami no ta worry pero mi brother si.
Polis a hiba e muher indocumenta pa Warda di polis y lo wordo entrega den man di Guarda Nos Costa, nan lo mester haci control si su papelnan ta na ordo si of no. Na final polisnan mester a pone e dama den boei, debi cu e la cuminsa bira hopi fastioso tambe.
Segun un di e hombernan, polisnan a bin tey eynan “na fin di mundo” pa strobanan y bay cu su auto.
